Պատանի բնագետի հանրագիտարանը բաղկացած է երկու բաժնից՝ ընդհանուր հասկացություններ և անձնանուններ։

Առաջին բաժնում ընդգրկված են աշխարհագրության, աստղագիտության, կենսաբանության, քիմիայի և ֆիզիկայի բնագավառների եզրույթներ` իրենց անգլերեն և ռուսերեն տարբերակներով, երկրորդում՝ հիշյալ ոլորտների խոշորագույն գիտնականների հակիրճ կենսագրությունները:

Հանրագիտարանում հնարավորինս ավելացված են Հայաստանին ու հայերին վերաբերող նյութը և մի քանի խորհրդանշական հասկացություններ՝ Արարատ լեռ, Մեծամորի պատմամշակութային արգելոց-թանգարան, ծիրան, սոսի, որոնք կարևոր են երեխաների հայրենաճանաչության, հարազատ բնաշխարհի իմացության, նրանց մեջ հայրենասիրության զարգացման իմաստով։